ABŞ Kubaya casuslar göndərib
Son aylarda ABŞ Kubadakı kəşfiyyat resurslarının sayını artırıb və ölkənin kommunist rejimini islahatlara və ya devrilməyə sövq etmək üçün ora casuslar və agentlər göndərib.
Elchi.az xəbər verir ki, bu barədə mənbələrə istinadən “Politico” nəşri məlumat verir.
Nəşrin qeyd etdiyi kimi, kəşfiyyat xidmətlərinin bu addımları ada ərazisində ABŞ-nin hərbi əməliyyatından tutmuş kuba rəsmilərini və sıravi vətəndaşları rejimə qarşı qaldırmaq səylərinin aktivləşməsinə qədər müxtəlif hadisələrin xəbərçisi ola bilər.
“Politico”nun həmsöhbətlərindən birinin sözlərinə görə, ABŞ bu yaxınlarda Kubaya casuslar və agentlər göndərib. Həmsöhbət kəşfiyyat məlumatlarının toplanmasının aktivləşmə miqyasını dəqiqləşdirməkdən və cəlb olunmuş amerikalı qurumların adlarını çəkməkdən imtina edib, çünki əməliyyatları təhlükə altına qoya biləcək təfərrüatları açıqlamaq riskinə getmək istəməyib. ABŞ kəşfiyyat birliyində 18 qurum və agentlik fəaliyyət göstərir.
İkinci mənbə bu addımı MKİ-nin (CIA) “iştirakının” bu yaxınlardakı artımı kimi xarakterizə etsə də, müddətləri və aidiyyəti olan şəxslərin adlarını dəqiqləşdirməkdən imtina edib. O qeyd edib ki, ABŞ administrasiyası Kuba liderlərini dəyişikliklərə sövq etmək üçün “bütün ənənəvi alətlərdən, o cümlədən kəşfiyyat birliyinin resurslarından istifadə etmək niyyətindədir”.
“Ora getməzdən əvvəl İranla bağlı problemi həll etmək mütləq deyil. Kuba ABŞ Dövlət katibi Marko Rubio üçün böyük prioritetdir”, — deyə mənbələrdən biri bildirib.
Məryəm