Putin qisas əmri verdi: Rusiya gəmiləri ələ keçirmə cəhdlərinə cavab verəcək
Kreml Rusiya Prezidenti Vladimir Putinin Rusiya Hərbi Dəniz Qüvvələrinə Rusiya gəmilərini ələ keçirmək cəhdlərinə qarşı qisas almağı əmr etdiyini açıqladı.
Elchi.az xəbər verir ki, Kremlin açıqlamasına görə, Prezident Putin Rusiya Hərbi Dəniz Qüvvələri Günü münasibətilə Sankt-Peterburqda hərbi rəsmilərlə görüş keçirib. Görüş zamanı Rusiya Hərbi Dəniz Qüvvələrinin komandanı Aleksandr Moiseyev və donanma komandirləri Putinə mövcud əməliyyat vəziyyəti və yerinə yetirilən vəzifələr barədə məlumat veriblər.
Görüşdə dəniz heyətinə müraciət edən Putin ticarət gəmiləri də daxil olmaqla, Rusiya donanmasını hədəf alan zərərli hərəkətlərə diqqət çəkib və onlara gəmiləri ələ keçirmək cəhdlərinə qarşı qisas almağı tapşırıb. Bu cür piratçılıq aktlarına qarşı beynəlxalq dəniz hüququ çərçivəsində, lakin son dərəcə qətiyyətlə mübarizə aparılmalı olduğunu vurğulayan Putin əks tədbirlərin təsirli olacağını gözlədiyini bildirib.
Ukraynadakı münaqişədə Rusiya Hərbi Dəniz Qüvvələri elementlərinin aktiv roluna toxunan Putin dəniz piyadalarının daim irəlilədiyini və təkcə bu il 20-dən çox yaşayış məntəqəsinin nəzarətini təmin etdiyini bildirib. O, əlavə edib ki, Rusiya donanmasının imkanlarını təkmilləşdirməyə və döyüş gəmilərini ən müasir silah sistemləri ilə təchiz etməyə davam edəcəklər və donanmanın ölkənin nüvə çəkindirmə qabiliyyətini təşkil edən nüvə triadasında mühüm rolunu vurğulayıb.
Şayəstə
