ABŞ Senatı İranla bağlı narahatedici həqiqəti etiraf etdi

Senator Kuns: İran ABŞ-la müharibədən əvvəlkindən daha güclüdür.
Elchi.az xəbər verir ki, Demokrat senator Kris Kuns bildirib ki, İran ABŞ və İsrailin hücumundan əvvəlkindən daha güclüdür. Onun sözləri Fox News tərəfindən sitat gətirilib.
“Düzünü desəm, İran 90 gün əvvəlkindən, bu müharibədən əvvəlkindən daha güclüdür, çünki o, ucuz dronlarından təkcə Hörmüz boğazını bağlamaq üçün deyil, həm də regiondakı tərəfdaşlarımıza və müttəfiqlərimizə hücum etmək, neft və qaz infrastrukturuna zərər vermək, səfirliklərimizə və bazalarımıza hücum etmək üçün istifadə edib”, – Kuns deyib.
Onun sözlərinə görə, Vaşinqton İranın Hörmüz boğazındakı hərəkətlərinə qarşı daha güclü və daha təsirli bir cavab tapmalıdır.
29 mayda İranın Fars xəbər agentliyi İran və ABŞ arasında razılaşma layihəsinin təfərrüatlarını dərc edib. Məqalədə Tehranın xaricdə dondurulmuş 12 milyard dollarlıq aktivləri geri almaq istədiyi göstərilir. Bundan əlavə, İran tərəfi sanksiyaların və nüvə proqramının Livanda atəşkəsdən və aktivlərin dondurulmasının ləğvindən sonra müzakirə olunacağında israr edir. Lakin nüvə obyektlərinin sökülməsi və İranın nüvə materiallarının utilizasiyası nəzərdə tutulmayıb.
Əvvəllər İran Parlamentinin spikeri Məhəmməd Bağır Qalibaf bildirib ki, İran ABŞ-dan danışıqlar yolu ilə deyil, döyüş meydanındakı raketlər vasitəsilə güzəştlər axtarır.

Şayəstə