Polis 64 kiloqramdan çox narkotik vasitə aşkarladı

Polis əməkdaşlarının keçirdikləri əməliyyat tədbirləri ilə iyunun 16-da ümumi çəkisi 64,6 kiloqramdan artıq narkotik vasitə aşkar olunub.

Bu barədə Elchi.az-a Daxili İşlər Nazirliyinin Mətbuat xidmətindən bildirilib.

Məlumata görə, qanunsuz dövriyyədən çıxarılan narkotik vasitələr – 41,4 kiloqramdan artıq marixuana, 12,2 kiloqramdan çox heroin, 11 kiloqrama yaxın metamfetamin, həmçinin 280 ədəd güclü təsiredici xassəyə malik metadon həbi olub.

Bu istiqamətdə qətiyyətli mübarizə tədbirləri davam etdirilir.