ABŞ Rusiya neftinə qarşı sanksiyaları rəsmən bərpa edib
ABŞ-nin 17 aprel 2026-cı il tarixinə olan vəziyyətə görə gəmilərə yüklənmiş Rusiya nefti və neft məhsullarının daşınması, satışı və ya boşaldılması üzrə əməliyyatlara icazə verən sonuncu lisenziyasının müddəti Bakı vaxtı ilə saat 08:01-də başa çatıb.
Elchi.az xəbər verir ki, bu barədə “Lenta.ru” məlumat yayıb.
Həmin andan etibarən Rusiyanın ən böyük ixracatçılarına qarşı Amerika sanksiyaları bərpa olunub. Lisenziya İran, Şimali Koreya, Kuba, Krım Respublikası və yeni regionlarla əlaqəli olan şəxslərin və strukturların iştirakı ilə aparılan əməliyyatlara şamil edilmirdi.
ABŞ tərəfindən məhdudlaşdırıcı tədbirlərin dayandırılmasına fevralın sonlarında Yaxın Şərqdə başlayan münaqişə səbəb olmuşdu. İsrail və ABŞ-nin İrana vurduğu zərbələr fonunda İslam Respublikasının rəhbərliyi Hörmüz boğazını bağlamışdı ki, bu da dünya bazarına neft tədarükünü kəskin şəkildə azaltmış və qiymətlərin artmasına səbəb olmuşdu.
Rusiya nefti ilə bağlı lisenziya bir ay müddətinə verilir. Bununla belə, ötən dəfə cari icazənin müddəti mayın 16-da başa çatmışdı, yenisi isə yalnız mayın 18-də verilmişdi.
Məryəm
