Axios: ABŞ və İran sazişinin təxirə salınmasına səbəb Tehranın Livan şərti olub

Vaşinqtonun ABŞ və İran arasında anlaşma memorandumunun imzalanma mərasimində iştirak etmək üçün Vitse-prezident Cey Di Vensin İsveçrəyə səfərini təxirə salmasına Tehranın Livanla bağlı mövqeyi səbəb ola bilərdi.

Elchi.az xəbər verir ki, bu barədə ABŞ-nin “Axios” portalının və İsrailin 12-ci kanalının müxbiri Barak Ravid “X” sosial şəbəkəsində məlumat paylaşıb.

Vensin nümayəndəsi daha əvvəl bildirmişdi ki, vitse-prezident sözmüasiri olan mərasimdə iştirak etmək və tərəflər arasında texniki məsələlər üzrə danışıqlara başlamaq üçün İsveçrəyə getməyi planlaşdırmır. Ravidin ABŞ rəsmiləri arasındakı mənbəyə istinadən qeyd etdiyinə görə, “təxirəsalınmanın səbəblərindən biri iranlıların Livanın daxili vəziyyəti ilə bağlı tələbləri ola bilər”.

Tehran bəyan etmişdi ki, İsrailin Livana qarşı hər hansı yeni hücumunu ABŞ ilə imzalanacaq anlaşma memorandumunun müddəalarının pozulması kimi qiymətləndirəcək.

Vens isə daha əvvəl memorandumun imzalanma mərasiminin, böyük ehtimalla, həftəsonu baş tutacağını bildirmişdi. O, bunun əsasən İran tərəfindən asılı olduğunu vurğulamışdı.

Məryəm