“AliExpress” 550 milyon avro CƏRİMƏLƏNİB

Avropa Komissiyası Çin bazarı olan “AliExpress”-i onlayn platformasında qanunsuz, təhlükəsiz olmayan və saxta məhsulların satışı ilə bağlı riskləri düzgün qiymətləndirmədiyinə və azaltmadığına görə 550 milyon avro cərimələyib.

Elchi.az xəbər verir ki, bu barədə “Euronews” nəşri məlumat verib.

Bu qərar, Aİ-nin əvvəllər bloka rüsumsuz daxil olan əşyalara – dəyəri 150 avrodan az olan bağlamalara – 3 avro məbləğində sabit rüsum tətbiq etməsindən bir neçə gün sonra verilib. Bu addımın Çin onlayn pərakəndə satış şirkətləri olan AliExpress, Shein və Temu-nun biznes modellərinə əhəmiyyətli dərəcədə təsir göstərəcəyi gözlənilir.

Komissiyanın araşdırması göstərdi ki, moderatorların səylərinə baxmayaraq, AliExpress-də böyük miqdarda qeyri-qanuni məhsulların — o cümlədən təhlükəsizlik standartlarına cavab verməyən oyuncaqların və zərərli kosmetik vasitələrin — sərbəst şəkildə satışı davam edirdi; bəzi hallarda isə qaydaları pozduğu üçün işarələnmiş belə məhsullar həftələrlə satışda qalırdı.

                                                                                                                                                                                                                               Yeganə