Fransanın cənub-şərqində yanğınsöndürmə işləri davam edir

Fransanın cənub-şərqindəki Drom əyalətində təxminən bir həftədir davam edən yanğın hələ də söndürülməyib.
Elchi.az xəbər verir ki, yerli medianın məlumatına görə, ölkə daxilində yanğınlar əsasən nəzarət altında olsa da, Drom əyalətindəki Diois şəhərindəki yanğınlarda indiyə qədər təxminən 400 hektar ərazi yanıb.
Hələ də davam edən yanğınlarda dörd yanğınsöndürən də yüngül xəsarət alıb. 400-dən çox yanğınsöndürən və 4 vertolyot və ya yanğınsöndürmə təyyarəsi yanğınlarla mübarizə aparmağa davam edir.
Buş-dü-Ron əyalətindəki Fontvieille şəhərindəki yanğın dünən nəzarət altına alınıb.
Fransa meteorologiya agentliyi Meteo-France, ölkə daxilində 17 əyalətdə yanğın riskinin “yüksək” olduğunu açıqlayıb.
Meteo-France həmçinin ölkəyə yeni bir istilik dalğasının gəldiyini və 22 əyalət üçün istilik xəbərdarlığının “narıncı” olduğunu bildirib. Tarixin ən pis yanğın mövsümünü yaşayan Fransada bu il 117.000 hektar ərazinin külə çevrildiyi müşahidə olunub.