Ölkənin ən böyük intellektual turniri üçün final həyəcanı başladı – FOTO

by admin

window._ttzi = 161;var script = document.createElement(“script”);script.src = “https://adviad.com/nativevideo/get_ads.js?=”+(Math.floor(Math.random() * 100000000) + 1);script.async = true;(document.body || document.head || document.documentElement).appendChild(script);script.onload = function(){script.parentNode.removeChild(script);};

Bakı Konqres Mərkəzində bu gün rəsmi şəxslər və gənclər təşkilatlarının nümayəndələrinin iştirakı ilə “İntellektual Klubların Gənclər Liqası”nın final mərhələsinin açılış mərasimi keçirilib.

Oxu.Az xəbər verir ki, mayın 9-dan etibarən start götürən və respublikanın 57 şəhər və rayonunu əhatə edən dörd mərhələdən ibarət turnirin seçimlərində ümumilikdə 1 000-dən artıq komanda və altı mindən çox gənc öz intellektual gücünü sınayıb.

Seçim turlarının yekununda regionlar üzrə ən yaxşı nəticə göstərən 16, paytaxt üzrə isə 24 komanda Bakıda keçirilən möhtəşəm final mərhələsində kubok uğrunda mübarizə aparır. İki gün davam edən böyük finalda paytaxt və regionları təmsil edən 40 komanda “Nə? Harada? Nə zaman?”, “Kviz”, “Breyn-Rinq” və “Erudit Kvartet” oyunlarında öz intellektual bacarıqlarını nümayiş etdirəcəklər.

Təşkil edilən turnirin məqsədi Azərbaycan gənclər siyasətinin prioritet istiqamətlərindən olan gənclərin intellektual potensialını inkişaf etdirmək, regionlarda intellektual oyunların keçirilməsini davamlı hala gətirmək və intellektli gənclər ordusunu formalaşdıraraq bu hərəkatın kütləviləşməsini təmin etməkdir.

Vurğulamaq lazımdır ki, ötən illərdən fərqli olaraq bu il keçirilən turnirdə təqdim olunan suallar arasında Prezident İlham Əliyev tərəfindən 2022-ci ilin “Şuşa İli” elan olunması ilə bağlı Qarabağımızın, eləcə də mədəniyyət beşiyimizin zəngin irsinin gənclər arasında təbliği xüsusi önəm daşıyır.

Xatırladaq ki, 2019-cu ildən bəri mütəmadi olaraq keçirilən turnir bütün ölkə gənclərini əhatə edərək onların intellektual səviyyələrinin, dünyagörüşlərinin stimullaşdırılmasına, həmçinin şəbəkələşməsinə təkan verir. Bu xüsusda Gənclər Fondu intellektinə güvənən hər bir gənci bu çağırışa qoşulmağa və bu ənənənin davamçısı olmağa dəvət edir.

Qeyd edək ki, “İntellektual Klubların Gənclər Liqası” Azərbaycan Respublikasının Gənclər Fondunun dəstəyi, Azərbaycan Respublikası Mədəniyyət Nazirliyi, Vətəndaşlara Xidmət və Sosial İnnovasiyalar üzrə Dövlət Agentliyi, Azərbaycan Respublikasının Kiçik və Orta Biznesin İnkişafı Agentliyi (KOBİA), Dayanıqlı və Operativ Sosial Təminat Agentliyi (DOST Agentliyi), Gənclərin Maarifləndirilməsinə Dəstək İctimai Birliyi, Gənclərin İnkişaf və Karyera Mərkəzi və “Badamlı” şirkətinin tərəfdaşlığı ilə həyata keçirilir.

Oxu.az

Bu yazılara da göz atın...