“Real”ın müdafiəçisi saxlanıldı
Madrid “Real”ının müdafiəçisi Raul Asensio sərxoş vəziyyətdə avtomobil idarə etdiyinə görə 8 ay müddətinə sürücülük hüququndan məhrum edilib.
hadisə avqustun 16-da Kanar adalarında qeydə alınıb.
23 yaşlı futbolçu “Porsche” markalı avtomobillə Qran-Kanariyanın cənubundakı kurort zonasına gedərkən polis əməkdaşları tərəfindən sənədlərinin yoxlanılması üçün saxlanılıb.
Yoxlama zamanı Asensionun nəfəsindəki spirt səviyyəsinin 0,90 mq/l olduğu müəyyən edilib. İcazə verilən hədd isə 0,25 mq/l təşkil edir.
Hadisədən bir neçə gün sonra futbolçu məhkəmə qarşısına çıxarılıb. Məhkəmə onu yol hərəkəti təhlükəsizliyinə qarşı cinayət törətməkdə təqsirli bilib.
Raul Asensio 14 400 avro məbləğində cərimələnib və 8 ay müddətinə sürücülük hüququndan məhrum edilib.
