BMT-dən yeni epidemiya təhlükəsi barədə XƏBƏRDARLIQ

HİV proqramının maliyyələşdirilməsinin gələcəkdə azaldılması epidemiyanın yenidən canlanmasına səbəb ola və son onilliklərdə əldə edilən irəliləyişi ləğv edə bilər.

Elchi.az xəbər verir ki, bu barədə Birləşmiş Millətlər Təşkilatının HİV/AİDS üzrə Birgə Proqramının (UNAIDS) hesabatında bildirilib.

Sənəddə xəbərdarlıq edilir ki, yenilənmiş öhdəliklər və tədbirlər görülməsə, dünya HİV epidemiyasında yeni bir artımla üzləşmək riski ilə üzləşə bilər. Aşağı və orta gəlirli ölkələrdə HİV səyləri üçün beynəlxalq maliyyələşdirmə ötən il 18 faiz azalıb – 1,5 milyard dollardan çox azalma (8,8 milyard dollardan 7,3 milyard dollara). Bu, təxminən 20 ildə ən böyük azalma olub.

Bundan əlavə, maliyyələşdirmənin azalması artıq HİV-in qarşısının alınması, test və müalicə proqramlarına təsir göstərib. Məsələn, Kamerun, Nigeriya və Zambiyada HİV-in qarşısının alınması üzrə xidmətlərdən yararlanan insanların sayı 50 faizdən çox azalıb. Eyni zamanda, 21 ölkədə yeni HİV yoluxma hallarının sayı artmaqda davam edir.

Daha əvvəl Rusiya Səhiyyə Nazirliyi ölkədə HİV-ə yoluxma səviyyəsinin 2016-cı ildən bəri iki dəfə azaldığını bildirmişdi. Nazirlik qeyd edib ki, hazırda Rusiyada HİV daşıyıcısı olan xəstələrin sayı 930 000-dən bir qədər çoxdur.

                                                                                                                                                                       Yeganə