Tramp seçki sistemini tənqid etdi: Manipulyasiya və korrupsiyaya açıqdır
ABŞ Prezidenti Donald Tramp kəşfiyyat məlumatlarına görə, ABŞ seçki sisteminin kiberhücumlara, sui-istifadəyə və xarici müdaxiləyə qarşı ciddi şəkildə həssas olduğunu bildirdi.
Elchi.az xəbər verir ki, Ağ Evdən xalqa televiziya ilə müraciətində Prezident Tramp mövcud ABŞ seçki sistemini tənqid etdi. “Bu gecə mən seçki sistemimizdəki şokedici zəiflikləri aşkar edən kritik kəşfiyyat məlumatlarının dərhal məxfiliyinin açılmasını və açıqlanmasını elan edirəm”, – deyə Tramp bildirib və qeyd edib ki, bu məlumatdakı dəlillər ABŞ seçki sisteminin əvvəllər heç vaxt nəzərə alınmamış səviyyələrdə kiberhücumlara, sui-istifadəyə və xarici müdaxiləyə qarşı təhlükəli dərəcədə həssas olduğunu göstərir.
Tramp əlavə edib ki, “Daha da narahatedici olan odur ki, bu vacib məlumat illərdir gizlədilib və ört-basdır edilib”. Tramp əlavə edib ki, Çin 2020-ci ildən bəri 220 milyon ABŞ seçicisinin məlumatlarını əldə etməklə tarixdə ən böyük seçki məlumatlarının pozulmasını törədib və bunu tarixdə ən böyük seçki məlumatlarının pozulması kimi qiymətləndirib: “Bu qalmaqalı daha da pisləşdirən odur ki, kəşfiyyat agentliklərimizdəki bir çox strukturlar Çinin seçkilərə məkrli müdaxiləsi ilə bağlı məlumatları gizlətmək və kiçiltmək üçün fəal şəkildə çalışıblar, bunu həm prezidentə, həm də Amerika xalqına gizlədiblər”. Tramp həmçinin bildirib ki, Çin hökuməti onun prezident kimi haqqında mənfi məqalələr yazan amerikalı jurnalistləri müəyyən edib onlara külli miqdarda pul ödəyib və FTB tərəfindən əldə edilən bəzi xam kəşfiyyat məlumatlarına görə, Çinin ABŞ seçkilərinə müdaxiləsi hətta Bayden üçün qanunsuz bülletenlər hazırlamaq cəhdlərini də əhatə edib. Tramp əlavə edib: “Bu gün Milli Kəşfiyyat Direktorunun Ofisindən və Mərkəzi Kəşfiyyat İdarəsindən bu cür vacib məlumatların necə və niyə gizlədildiyini araşdırmağı, bu ört-basdırda iştirak edənləri işdən çıxarmağı və lazım gələrsə, həmin şəxsləri ittiham etməyi xahiş edirəm”.
Şayəstə
