Bayraktaroğlu amerikalı həmkarı ilə regional təhlükəsizliyi müzakirə edib

Türkiyə Silahlı Qüvvələrinin Baş Qərargah rəisi, ordu generalı Selçuk Bayraktaroğlu ABŞ Afrika Komandanlığının (AFRICOM) komandanı, ordu generalı Daqvin Anderson ilə videogörüş keçirib.

Elchi.az xəbər verir ki, bu barədə Türkiyə Silahlı Qüvvələrinin “X” sosial şəbəkə hesabında məlumat yayılıb.

Videokonfrans formatında təşkil olunan görüş zamanı regional müdafiə və təhlükəsizlik məsələləri müzakirə edilib.

Tərəflər qarşılıqlı maraq doğuran təhlükəsizlik gündəliyi və regional vəziyyətlə bağlı fikir mübadiləsi aparıblar.